امیر پازواری

شمارهٔ ۲۲

امیر گنه: چارده دُوستهْ سالْ خجیره

دوستِ سینه‌مالْ، وارنگِ کال خجیره

کومِ دلْ رَسیینْ به وصالْ خجیره

خراجِ دَنی، یکْ مویِ خالْ خجیره

به بُوسه کاری، دوستِ سو آل خجیره

سر و جان عاشق، به دمّال خجیره

مینایِ خْش و اُویِ زلال خجیره

دوستِ ذوق و شوق، سینه‌ی چالْ خجیره

حوضِ کوثرِ اُویِ زلال خجیره

ساز، کمونچه و آهنگِ هالْ (حال) خجیره

تار و تنبور و زلفِ دمّال خجیره

خوبونْ‌ره همین، دولت، کمالْ خجیره