امیر پازواری

شمارهٔ ۲۳

امیر گنه: چن چی خشه: تنگ دهون ته

سُو آل و جنافه و لُو و دندون ته

سیمینْ بدنْ، آهُو گردنْ، نارپستونْ نه

دل و دینْ ره تاراجْ بَورْد بو چشمونْ ته

دیمْ قُرصِ خُورْرهْ مُونّه به جاودونْ ته

ریجنْ قَنْ خروارْ، شَکْری لَبُونْ ته

دْ جادوئه یا که مَسّه اُونْ تُرکونْ ته

صَدْ خنهْ سیُو، بیشْ بکردْ بو چشمُونْ ته

لَعْلِ حُقّه یا که پستهْ اُونْ دهُونْ ته

دَ چی صَدفِ گُوهرهْ اُونْ دَندونْ ته

صَدْ عاشقْ به خالِ کَمنْ بُونْ قربونْ ته

امیر کم‌ترینْ بنده‌یِ رایگُونْ ته